"देशाचा मुद्दा आहे, राजकारण नाही - उद्धव ठाकरेंचा CJP आंदोलनाला पाठिंबा".

मुंबई: शिवसेना (UBT) प्रमुख उद्धव ठाकरे यांनी सोनम वांगचुक आणि कॉक्रोच जनता पार्टीचे संस्थापक अभिजीत दीपके यांच्या आंदोलनाला जाहीर पाठिंबा दिला असून, या समर्थनार्थ 19 जुलै, शनिवार रोजी मुंबईतील शिवाजी पार्कवर जाहीर सभा* घेण्याची घोषणा केली आहे. 

काय म्हणाले उद्धव ठाकरे?

सोमवारी मुंबईत झालेल्या पत्रकार परिषदेत उद्धव ठाकरे म्हणाले की,"हा राजकीय मुद्दा नाही, हा देशाचा मुद्दा आहे. देशातील तरुणांचे भविष्य धोक्यात आहे. त्यामुळे सर्व राजकीय पक्षांनी झेंडे बाजूला ठेवून एकत्र येणे आवश्यक आहे"त्यांनी सांगितले की, NEET पेपरफुटी आणि शिक्षण व्यवस्थेतील त्रुटी* याविरोधात दिल्लीच्या जंतर मंतर येथे सोनम वांगचुक उपोषणाला बसले आहेत. त्यांची प्रकृती खालावत आहे.

"सोनम वांगचुक यांना मी आधीच विनंती केली होती की उपोषण करू नका. देशाला त्यांच्यासारख्या लोकांची गरज आहे".

उद्धव ठाकरेंनी केंद्रीय शिक्षण मंत्री धर्मेंद्र प्रधान यांच्या राजीनाम्याची मागणीही केली.

मुंबईतील आंदोलन कधी?

शिवसेना UBT नेते आदित्य ठाकरे यांनी X वर अधिकृत निमंत्रण पोस्ट केले आहे.19 जुलै, रविवार, दुपारी 4 वाजता शिवतीर्थ, छत्रपती शिवाजी महाराज पार्क, दादर येथे माँसाहेब मीनाताई ठाकरे यांच्या पुतळ्याजवळ ही सभा होणार आहे. 

उद्धव ठाकरे म्हणाले, "मी मुंबईत आहे, मी मुंबईत आवाज उठवेन. लोकांनी जिथे आहेत तिथूनच आवाज उठवावा" .

आंदोलनाची पार्श्वभूमी:

कॉक्रोच जनता पार्टीच्या वतीने NEET पेपरफुटी आणि परीक्षांमधील अनियमितता* याविरोधात दिल्लीत आंदोलन सुरू आहे. या आंदोलनात सोनम वांगचुक आणि अभिजीत दीपके सहभागी आहेत. अभिजीत दीपके यांनी आंदोलनात अडथळा आणण्याचा प्रयत्न होत असल्याचा आरोपही केला आहे. 

उद्धव ठाकरेंनी राहुल गांधींसह सर्व पक्षनेत्यांना या आंदोलनात सहभागी होण्याचे आवाहन केले आहे.