"स्कॉर्पिओमध्ये पाठदुखी म्हणून ₹1.5 कोटींच्या लक्झरी गाड्यांची मागणी; BMC च्या प्रस्तावावरून वाद"

"सार्वजनिक पैशांचा अपव्यय का? BMC च्या नवीन महागड्या गाड्यांच्या मागणीवर टीका"

मुंबई :BMC च्या काही नेत्यांनी ₹1.5 कोटींच्या नवीन लक्झरी वाहनांसाठी अर्थसंकल्प मागितल्याने वादाला तोंड फुटले आहे. सूत्रांच्या माहितीनुसार, काही लोकप्रतिनिधींनी असा दावा केला आहे की सध्या अधिकृत कामासाठी वापरल्या जाणाऱ्या Scorpio SUV मध्ये प्रवास केल्याने पाठदुखी होत आहे. त्यामुळे अधिक आरामदायी आणि महागड्या गाड्या देण्यात याव्यात अशी मागणी करण्यात आली आहे.

नेमका काय आहे प्रस्ताव?

BMC नेत्यांनी नवीन लक्झरी वाहनांच्या खरेदीसाठी 1.5 कोटी रुपयांचा निधी मंजूर करण्याची मागणी केली आहे.त्यांचे म्हणणे आहे की सध्याची वाहने अधिकृत दौऱ्यांसाठी पुरेशी आरामदायी नाहीत.

टीका आणि वाद:

हा प्रस्ताव समोर येताच सार्वजनिक खर्च आणि प्राधान्यांवरून मोठी टीका सुरू झाली आहे. सामाजिक कार्यकर्ते आणि नागरिकांचा सवाल आहे की मुंबईतील रस्ते, आरोग्य आणि इतर मूलभूत सुविधांसाठी निधीची गरज असताना प्रीमियम अधिकृत वाहनांवर कोट्यवधी खर्च करणे योग्य आहे का? विरोधी पक्षांनीही या मागणीला "जनतेच्या पैशाचा दुरुपयोग" असल्याचे म्हटले आहे.सध्या BMC प्रशासनाने या प्रस्तावावर अंतिम निर्णय घेतलेला नाही. मात्र या मुद्द्यावरून राजकीय वर्तुळात आणि सोशल मीडियावर जोरदार चर्चा सुरू आहे.