डॉ. शेख शकील जलाल यांना ‘नॅशनल एक्सलन्स ऑनर अवॉर्ड’

छत्रपती संभाजीनगर 

नॉबल फाउंडेशनचे संचालक डॉ. शेख शकील जलाल यांना सामाजिक, वैद्यकीय व शैक्षणिक क्षेत्रातील उल्लेखनीय कार्याबद्दल “नॅशनल एक्सलन्स ऑनर अवॉर्ड” देऊन सन्मानित करण्यात आले. समाजसेवा, आरोग्य सेवा आणि जनजागृतीसाठी केलेल्या त्यांच्या कार्याची दखल घेत हा प्रतिष्ठेचा पुरस्कार प्रदान करण्यात आला.

डॉ. शेख शकील जलाल यांनी होमिओपॅथी, नॅचरोपॅथी आणि योग या क्षेत्रांमध्ये उल्लेखनीय सेवा देत समाजातील गरीब व गरजू रुग्णांना उपचार उपलब्ध करून दिले आहेत. तसेच सामाजिक, वैद्यकीय, शैक्षणिक व समुदाय विकासाच्या विविध उपक्रमांमध्ये त्यांनी सक्रिय सहभाग नोंदवला आहे.

त्यांच्या कार्यामध्ये आरोग्य सेवा, सामाजिक कल्याण, शिक्षणाचा प्रसार, क्रीडा प्रोत्साहन, युवकांना रोजगारासाठी मार्गदर्शन, वृक्षारोपण मोहिमा, महिला सक्षमीकरण उपक्रम आणि समाजासाठी प्रेरणादायी मार्गदर्शन यांचा विशेष समावेश आहे.

डॉ. शकील यांनी व्हॉइस ऑफ मीडिया या संस्थेचे जिल्हाध्यक्ष म्हणूनही काम करत समाजातील विविध प्रश्नांवर जनजागृती करण्याचे कार्य केले आहे.

विशेष म्हणजे कोविड-१९ महामारीच्या काळात त्यांनी सुमारे १० हजार रुग्णांना उपचार व मदत पुरवून मानवतेची सेवा केली. त्यांच्या या उल्लेखनीय कार्याची नोंद बुक ऑफ वर्ल्ड रेकॉर्ड्समध्येही झाली असून, समाजासाठी केलेल्या सेवेला मोठी दाद मिळाली आहे.

त्यांच्या समर्पण, करुणा आणि समाजासाठी निस्वार्थ भावनेने केलेले कार्य हे इतरांसाठी प्रेरणादायी ठरत असून, या पुरस्कारामुळे त्यांच्या कार्याचा गौरव झाला असल्याची भावना व्यक्त करण्यात येत आहे